Thursday, May 18, 2017

phoolo se jyada mahekti rahe

Zindgi teri yuhi phoolo se jyada mahekti rahe,

Har pal har lamha khushiya daman chumti rahe..

Na aaye kabhi dukhwali raat tere jeewan me,

Sukh ke suraj ki roshni tere jivan ko roshaN karti rahe..

Na ho daman me tere kantoN ki chuban kabhi,

Na dhoop ki tapish kabhi chhu paye tujhe..

Chhav hi chhav mile jaha rakhe kadam tu e dost,

Khushiya tere jivaN me sath tere yuhi sada chalti rahe..

Uthe hai aaj ye hath tere sajde me us rab ke aage,

Paye har wo mukam tu zindgi me tamaNNa teri yuhi puri hoti rahe..

Rakhe tu jaha bhi kadam har mod pe maNzil teri ho,

Khuda ki rahemat har pal har lamha tujhe yuhi milti rahe..

Muqammal ho sari khwahisheiN teri khush rahe tu sada,

Dua e "SHAGUN" tere waste har roz yuhi kubul hoti rahe